रौतहटमा ध्वनी प्रदुषण नियन्त्रण हुन

सूचना प्रबिधि

शनिबार, माघ १९, २०७५

रौतहटमा ध्वनी प्रदुषण नियन्त्रण हुन

रौतहट १८ माघ । रौतहटमा ध्वनी प्रदुषण नियन्त्रण हुने भएको छ । जिल्ला प्रशासन कार्यालय रौतहटले ईजाजत बिना यान्त्रिक साधन बाट ध्वनी निष्कासन गरी सर्बसाधारणको स्वास्थ्यमा हानी पुरयाएकोले नियन्त्रण गर्न जिल्ला प्रहरी कार्यालय लाई पत्राचार गरेको छ । बिभिन्न धार्मीक पर्ब, अनुष्ठान, बिबाह, ब्रतबन्ध, आदिका नाममा रातभर ठुलो आवाजमा माईक लगाई ध्वनी प्रदुषण गर्ने काम भैरहेकोले यस्लाई नियन्त्रण गर्न आबश्यक रहेको जिल्ला प्रशासन कार्यालय रौतहटले जनाएको छ । धार्मीक वा सामाजिक कार्यको नाममा राती १० बजे देखि बिहान ६ बजे सम्म ध्वनी प्रदुषण पुर्ण रुपमा नियन्त्रण गरिएको जिल्ला प्रशासन कार्यालय रौतहटले जनाएको छ । यस्को उल्लघन गर्ने ब्यक्ति या समुह लाई प्रचलित कानुन बमोजिम कैद वा जरिवाना वा दुबै हुन सक्ने जनाइएको छ । मुलुकी अपराध सहिता (ऐन) ०७४ को दफा ११२ को उपदफा २ बमोजिम अधिकार प्राप्त अधिकारीको ईजाजत बिना यान्त्रिक साधन बाट ध्वनी प्रदुषण गर्नै नपाईने नियम रहेको छ ।