समाचार शेयर गर्नुहोस्: Facebook WhatsApp Twitter

उपेन्द्र गोले तामाङ
रौतहट १३ कार्तिक 
रौतहटमा ट्याक्टर र मोटरसाइकल एकआपसमा ठोक्किँदा एक प्रहरी जवानको मृत्यु भएको छ भने उनकी श्रीमती गम्भीर घाइते भएकी छन् । दुर्घटनामा प्रहरी जवान सुभाष चौधरीको मृत्यु भएको हो भने उनकी श्रीमती प्रहरी जवान निशा खड्का गम्भीर घाइते भएकी छन् । जिल्लाको फतुवा विजयपुर नगरपालिका–११ स्थित राङ्गी टोलमा बिहीबार साँझ करिब ६ः३० बजे दुधिअवा–बालचनपुर सडकखण्डमा दुर्घटना भएको हो । जिल्ला प्रहरी कार्यालय रौतहटका अनुसार दुधिअवाबाट बालचनपुरतर्फ जाँदै गरेको ना २ त ४७८६ नम्बरको ट्याक्टर र विपरीत दिशाबाट आउँदै गरेको बागमती प्रदेश ०२–०५३ प ८२०२ नम्बरको मोटरसाइकल एकआपसमा ठोक्किएका थिए । दुर्घटनामा गुजरा नगरपालिका–४ पोखरभिन्डा निवासी ३५ वर्षीय चौधरी र मोटरसाइकलको पछाडि सवार उनकी ३० वर्षीया श्रीमती खड्का घाइते भएका थिए । दुवैलाई उपचारका लागि एम्बुलेन्समार्फत वीरगन्जस्थित बयोधा अस्पताल पुर्‍याइएको थियो । तर, उपचारकै क्रममा बिहीबार राति ८ः१० बजे चिकित्सकले चौधरीलाई मृत घोषणा गरेका थिए । उनकी श्रीमती खड्काको अवस्था गम्भीर रहेको प्रहरीले जनाएको छ । मृतक चौधरी बारा जिल्लाको इलाका प्रहरी कार्यालय सिम्रौनगढमा प्रहरी जवानका रूपमा कार्यरत रहेको खुलेको छ । घटनाबारे जिल्ला प्रहरी कार्यालय रौतहटका प्रवक्ता एवं डीएसपी वसन्त गौतमले शुक्रबार जारी गरेको विज्ञप्तिमार्फत जानकारी दिएका हुन् । दुर्घटनाको कारणबारे प्रहरीले थप अनुसन्धान गरिरहेको जनाएको छ ।

राजपुर प्राथमिक स्वास्थ्य केन्द्रमा तीन खुट्टा भएको शिशुको जन्म, थप उपचारका लागि रेफर 

रौतहट १६ कार्तिक  रौतहटको राजपुर प्राथमिक स्वास्थ्य केन्द्र फरहदवामा तीनवटा खुट्टा भएको नवजात शिशुको जन्म भएको छ । आज बिहान करिब ५ बजे सामान्य

चन्द्रनिगाहपुरको माउन्ट एभरेस्ट आवासीय माध्यमिक विद्यालयमा खेलकुद सप्ताह सुरु

रौतहट १५ कार्तिक रौतहटको चन्द्रपुरस्थित माउन्ट एभरेस्ट आवासीय माध्यमिक विद्यालयले आजदेखि खेलकुद सप्ताह सुरु गरेको छ । विद्यार्थीहरूको शारीरिक,

चन्द्रनिगाहपुरमा नवनिर्मित ओम शान्ति भवनको उद्घाटन

चन्द्रनिगाहपुर, रौतहट १४ असोज । आध्यात्मिक ज्ञान, राजयोग ध्यान तथा मानवीय मूल्यको प्रवर्धनमार्फत शान्त र सकारात्मक समाज निर्माण गर्ने उद्देश्यका