रौतहट बचत तथा ऋण सहकारी संघको बैठक सम्पन्न

स्थानीय

शुक्रबार, असोज ९, २०८३

रौतहट बचत तथा ऋण सहकारी संघको बैठक सम्पन्न

रौतहट ९ असमेज । रौतहट बचत तथा ऋण सहकारी संघ लिमिटेडको नियमित बैठक शुक्रबार सम्पन्न भएको छ। संघका अध्यक्ष बिभु पोखरेलको अध्यक्षतामा बसेको बैठकले संघका विभिन्न गतिविधि तथा आगामी कार्ययोजनाका विषयमा छलफल गर्दै आवश्यक निर्णय गरेको छ। बैठकमा संघका व्यवस्थापकले प्रस्तुत गरेको प्रतिवेदनमाथि छलफल तथा समीक्षा गरिएको थियो। त्यसैगरी भाद्र महिनामा संघले सञ्चालन गरेका विभिन्न कार्यक्रमहरूको समीक्षा गर्दै आगामी दिनमा गरिने गतिविधिका बारेमा समेत छलफल भएको जनाइएको छ। बैठकले संघको स्थापना दिवस तथा आगामी साधारणसभा आयोजना गर्ने विषयमा समेत आवश्यक तयारी अघि बढाउने निर्णय गरेको छ। साथै सदस्यहरूको बचत फिर्ता तथा ऋण न्यूनीकरणका लागि कार्ययोजना तयार गरी प्रभावकारी रूपमा कार्यान्वयन गर्ने विषयमा छलफल भएको संघले जनाएको छ। बैठकमा नियामक निकायबाट जारी भएका निर्देशनहरूको कार्यान्वयन तथा त्यससँग सम्बन्धित विषयमा समेत छलफल गरिएको थियो। बैठकले संघको संस्थागत गतिविधिलाई थप व्यवस्थित र प्रभावकारी बनाउने उद्देश्यले विभिन्न निर्णय गरेको जनाइएको छ। बैठकमा संघका पदाधिकारी तथा सम्बन्धित सदस्यहरूको सहभागिता रहेको थियो।