चन्द्रनिगाहपुरमा ३६ औँ पूर्व प्रहरी दिवसमा वृक्षरोपण

राष्ट्रिय

सोमबार, भदौ १, २०८३

चन्द्रनिगाहपुरमा ३६ औँ पूर्व प्रहरी दिवसमा वृक्षरोपण

रौतहट १ भाद्र
३६ औँ पूर्व प्रहरी दिवसको अवसरमा रौतहटको चन्द्रपुर–२ स्थित प्रथम सहिद लखन थापामगर स्मृति पार्कमा वृक्षरोपण कार्यक्रम सम्पन्न भएको छ । नेपाल पूर्व प्रहरी संगठन रौतहटको आयोजना तथा नेपाल मगर संघ रौतहटको संयोजनमा आयोजित कार्यक्रममा विभिन्न जातका ८५ वटा बिरुवा रोपिएको हो । पूर्व प्रहरी संगठन रौतहटका अध्यक्ष धनबहादुर थापामगरको अध्यक्षतामा सम्पन्न कार्यक्रममा इलाका प्रहरी कार्यालय चन्द्रनिगाहपुरका कार्यालय प्रमुख प्रहरी नायब उपरीक्षक सत्यनारायण थापा प्रमुख अतिथिका रूपमा सहभागी हुनुभएको थियो । कार्यक्रममा जिल्ला ट्राफिक प्रहरी कार्यालय रौतहटका प्रमुख प्रहरी निरीक्षक राजेन्द्र थापामगर, नेपाल मगर संघ रौतहटका अध्यक्ष शेरबहादुर थापामगर, पूर्व प्रहरी अधिकृत तथा जवानहरू, मगर संघका पदाधिकारीलगायतको सहभागिता रहेको थियो । कार्यक्रममा पूर्व प्रहरी संगठन रौतहटका वरिष्ठ सल्लाहकार रामचन्द्र शिवाकोटीले स्वागत मन्तव्य राख्नुभएको थियो भने मधेस प्रदेशका उपाध्यक्ष रामशरण गौतमले कार्यक्रम सञ्चालन गर्नुभएको थियो । कार्यक्रममा सहभागीहरूले वातावरण संरक्षण तथा हरियाली प्रवद्र्धनमा वृक्षरोपणको महत्व रहेको बताउँदै रोपिएका बिरुवाको संरक्षणमा समेत ध्यान दिनुपर्नेमा जोड दिएका थिए । वृक्षरोपणसँगै कार्यक्रम सम्पन्न भएको आयोजकले जनाएको छ ।