समाचार शेयर गर्नुहोस्: Facebook WhatsApp Twitter

रौतहट ३० श्रावण
रौतहटको गरुडा नगरपालिका–६ पोठियाहीका तीन जना तीर्थयात्रीको भारतमा भएको सवारी दुर्घटनामा मृत्यु भएको छ । दुर्घटनामा मृत्यु भएका उनीहरूमध्ये दुई जनाको शनिबार अन्त्येष्टि गरिएको छ । गरुडा नगरपालिका–६ पोठियाहीका करिब ६५ वर्षीय नवलकिशोर चौधरी र ६२ वर्षीया सुन्दरकला देवीको झाँझ खोलास्थित शिवनगर घाटमा अन्त्येष्टि गरिएको हो। उनीहरू भारतको बाबाधाम तीर्थयात्रामा गएका बेला सवारी दुर्घटनामा परी मृत्यु भएको प्रहरीले जनाएको छ । भारतमा पोस्टमार्टमपछि आफन्तले शनिबार बिहान करिब ८ः३० बजे शव बुझेर नेपाल ल्याएका थिए। त्यसपछि दुवै जनाको शव शिवनगर घाटमा लगेर अन्त्येष्टि गरिएको हो । यस्तै, दुर्घटनामा मृत्यु भएका राजेश महतोका करिब १२ वर्षीय छोरा शिवम महतोको शव भने प्रादेशिक अस्पताल गौरको शवगृहमा राखिएको छ । उनका बुबा रोजगारीको सिलसिलामा विदेशमा रहेकाले उनी नेपाल आएपछि मात्र शवको अन्त्येष्टि गरिने जनाइएको छ । घटनास्थलमा इलाका प्रहरी कार्यालय शिवनगरबाट प्रहरी नायब निरीक्षक विजय डिम्डुङको कमाण्डमा प्रहरी टोली खटिएको थियो। शिवनगर घाट इलाका प्रहरी कार्यालय शिवनगरबाट करिब डेढ किलोमिटर पश्चिममा पर्छ ।

चन्द्रोदय साकोसका व्यवस्थापक शुभ नारायण चौधरी मधेस प्रदेशकै 'उत्कृष्ट व्यवस्थापक'बाट सम्मानित

  नेपाल बचत तथा ऋण केन्द्रीय सहकारी संघ लि. (नेफस्कून) को ३९ औं स्थापना दिवसको अवसरमा रौतहट जिल्लास्थित चन्द्रोदय बचत तथा ऋण सहकारी संस्था लि. का

चन्द्रनिगाहपुरमा तिलगंगा सामुदायिक आँखा केन्द्रको औपचारिक उद्घाटन

रौतहट २९ साउन रौतहटको चन्द्रनिगाहपुरमा तिलगंगा सामुदायिक आँखा केन्द्रको औपचारिक उद्घाटन गरिएको छ । चन्द्रपुर नगरपालिका र नेपाल आँखा

चन्द्रनिगाहपुरमा तिलगंगा सामुदायिक आँखा केन्द्र सञ्चालनमा आउँदै

रौतहट २८ श्रावण रौतहटको चन्द्रनिगाहपुरमा तिलगंगा सामुदायिक आँखा केन्द्रको सेवा औपचारिक रूपमा सञ्चालनमा आउने भएको छ । चन्द्रपुर नगरपालिका र नेपाल