समाचार शेयर गर्नुहोस्: Facebook WhatsApp Twitter

रौतहट २८ श्रावण
रौतहटको देवाही गोनाहीस्थित लालबकैया नदीमा नुहाउने क्रममा डुबेर बेपत्ता भएकी १० वर्षीया बालिका रौशन खातुनको खोजी कार्य तेस्रो दिन बिहीबार पनि जारी छ । देवाही गोनाही नगरपालिका–२ लक्षमिनिया टोलका तीन बालबालिका मंगलबार दिउँसो करिब २ बजे नदीमा नुहाउने तथा पौडी खेल्ने क्रममा डुबेर बेपत्ता भएका थिए । बेपत्तामध्ये मोहम्मद रमतुल्लाह र सवनम खातुनको शव बुधबार बिहान घटनास्थलबाट करिब डेढ किलोमिटर तल जिङडिया पुलनजिक फेला परेको थियो । तर, उनीहरूसँगै डुबेकी रौशन खातुन अझै फेला परेकी छैनन् । बुधबार दिनभर खोजी गर्दा पनि बालिका नभेटिएपछि बिहीबार बिहानैदेखि सुरक्षाकर्मीले खोजी अभियान तीव्र बनाएका छन् । जिल्ला प्रहरी कार्यालय रौतहटका प्रवक्ता डीएसपी वसन्त गौतमका अनुसार सशस्त्र प्रहरी बल नेपाल नं. ११ गण हेडक्वाटर रौतहटबाट असई भीमबहादुर पुनको नेतृत्वमा ९ सदस्यीय डिजास्टर म्यानेजमेन्ट टोली रबर बोटसहित परिचालन गरिएको छ । यस्तै, इलाका प्रहरी कार्यालय देवाही गोनाही र सशस्त्र प्रहरीको टोली नदीको तल्लो तटीय क्षेत्रमा खोजीमा खटिएको छ। नदीमा पानीको बहाव बढेका कारण खोजी कार्य चुनौतीपूर्ण बनेको सुरक्षाकर्मीले बताएका छन् । घटनापछि लक्षमिनिया टोल शोकमा डुबेको छ। सुरक्षा निकायले बालबालिकालाई नदी तथा खोला किनारमा एक्लै नपठाउन र तटीय क्षेत्रमा उच्च सावधानी अपनाउन सर्वसाधारणलाई आग्रह गरेको छ ।

चन्द्रनिगाहपुरमा तिलगंगा सामुदायिक आँखा केन्द्रको औपचारिक उद्घाटन

रौतहट २९ साउन रौतहटको चन्द्रनिगाहपुरमा तिलगंगा सामुदायिक आँखा केन्द्रको औपचारिक उद्घाटन गरिएको छ । चन्द्रपुर नगरपालिका र नेपाल आँखा

चन्द्रनिगाहपुरमा तिलगंगा सामुदायिक आँखा केन्द्र सञ्चालनमा आउँदै

रौतहट २८ श्रावण रौतहटको चन्द्रनिगाहपुरमा तिलगंगा सामुदायिक आँखा केन्द्रको सेवा औपचारिक रूपमा सञ्चालनमा आउने भएको छ । चन्द्रपुर नगरपालिका र नेपाल

चन्द्रपुरमा लम्पी स्किन रोगको प्रकोप, दर्जनौँ पशु मरेको किसानको दाबी

रौतहट २८ श्रावण रौतहटको चन्द्रपुर नगरपालिकाका विभिन्न क्षेत्रमा पशुमा लम्पी स्किन रोगको प्रकोप फैलिएको छ । रोगका कारण दर्जनौँ गाई, गोरु तथा