चोरीको मोटरसाइकलसहित रौतहटका युवक भारतमा पक्राउ

राष्ट्रिय

मंगलबार, असोज २७, २०८३

चोरीको मोटरसाइकलसहित रौतहटका युवक भारतमा पक्राउ

रौतहट २७ असोज । भारतको झरौखर प्रहरीले सैनिक रोडबाट चोरीको मोटरसाइकलसहित रौतहटका एक युवकलाई पक्राउ गरेको छ।
पक्राउ पर्नेमा रौतहटको कटहरिया नगरपालिका–१ निवासी रामबाबु राय यादवका छोरा गजेन्द्र यादव रहेको बताइएको छ। भारतीय प्रहरीका अनुसार, चोरीको मोटरसाइकलसहित नियन्त्रणमा लिइएका यादवले उक्त मोटरसाइकल बिक्री गर्ने व्यक्तिका रूपमा कटहरिया नगरपालिका–३, बिर्ती पस्टोका निवासी सुरज यादवको नाम खुलाएका छन्। प्रहरीले बरामद गरेको मोटरसाइकल कहाँबाट चोरी भएको हो भन्ने विषयमा अनुसन्धान गरिरहेको छ। साथै, मोटरसाइकल चोरी तथा बिक्रीमा अन्य व्यक्तिको संलग्नता रहे–नरहेको विषयमा समेत अनुसन्धान भइरहेको जनाइएको छ। घटनाबारे भारतीय प्रहरीले थप अनुसन्धान अघि बढाएको छ। अनुसन्धानपछि मोटरसाइकल चोरीको वास्तविक घटना र संलग्न व्यक्तिहरूबारे थप विवरण खुल्ने अपेक्षा गरिएको छ।