महाकाली नदीको झोलुङ्गे पुल भाँचिएपछि आवतजावत अवरुद्ध

राष्ट्रिय

बुधबार, असोज १४, २०८३

महाकाली नदीको झोलुङ्गे पुल भाँचिएपछि आवतजावत अवरुद्ध

कञ्चनपुर, १४ असोज । कञ्चनपुरको दोधारा चाँदनी नगरपालिका–४ स्थित महाकाली नदीमा रहेको झोलुङ्गे पुल भाँचिएपछि आवतजावत अवरुद्ध भएको छ। दोधारा चाँदनी नगरपालिका र भीमदत्त नगरपालिका जोड्ने उक्त पुलको दोधारातर्फ करिब ५/६ मिटर भाग माथि उठेपछि आवतजावतमा समस्या भएको थियो। त्यसपछि पुलको पिल्लरसमेत भत्किँदा पुलको संरचना क्षतिग्रस्त भई आवतजावत पूर्णरूपमा अवरुद्ध भएको जनाइएको छ। पुल भाँचिएपछि स्थानीय बासिन्दा तथा यात्रुलाई आवतजावतमा कठिनाइ भएको छ। क्षतिग्रस्त पुलको मर्मतका लागि सम्बन्धित निकायबाट पहल भइरहेको जनाइएको छ।