समाचार शेयर गर्नुहोस्: Facebook WhatsApp Twitter

रौतहट, ११ भाद्र 
रसुवामा आएको विनाशकारी बाढी तथा पहिरोपछि रौतहटका दुई जना मेकानिकल इन्जिनियरसहित ६ जना नागरिक सम्पर्कविहीन भएका छन् । जिल्ला प्रशासन कार्यालय रौतहटले सार्वजनिक गरेको आधिकारिक विवरण अनुसार जिल्लाका विभिन्न स्थानीय तहका ६ जना व्यक्तिहरू रसुवा बाढीपछि सम्पर्कविहीन बनेका हुन् ।
अपर त्रिशूली–१ जलविद्युत् आयोजनामा कार्यरत दुई जना इन्जिनियर बाढीपछि बेपत्ता भएका छन्। बेपत्ता हुनेमा गरुडा नगरपालिका–३ का ३४ वर्षीय सुधीर कुमार साह र वृन्दावन नगरपालिका–९ का ३४ वर्षीय गौरव राउत रहेका छन्। दुवै जना सोही जलविद्युत् आयोजनामा मेकानिकल इन्जिनियरका रूपमा कार्यरत थिए ।
यसैगरी, रसुवामा अटो व्यवसाय तथा व्यापार गर्दै आएका रौतहटका अन्य नागरिक पनि सम्पर्कविहीन भएका छन्। ईशनाथ नगरपालिका–४ मठियाका शेख माजिद (सञ्चालकः मोटरसाइकल ग्यारेज) र वृन्दावन नगरपालिका–३ की १२ वर्षीया बालिका समीरा मन्सुरी रसुवा बाढीपछि सम्पर्कमा आएका छैनन् ।
त्यस्तै, रसुवाको त्रिशूली बजारमा पसल सञ्चालन गरी बस्दै आएका राजदेवी नगरपालिका–५ ब्रह्मपुरीका ५० वर्षीया संगीता देवी साह र उनका २५ वर्षीय छोरा राहुल कुमार साह पनि बेपत्ता रहेको जिल्ला प्रशासन कार्यालयले जनाएको छ । रसुवामा आएको भीषण बाढी तथा पहिरोका कारण ठूलो जनधनको क्षति भएको छ। सम्पर्कविहीन रहेका रौतहटका नागरिकहरूको खोजी तथा उद्धारका लागि पहल भइरहेको छ ।

नेपालमा एआई साक्षरता पाइलट कार्यक्रम सम्पन्न: प्रविधिमा नागरिक पहुँच र एजेन्सी बढाउन जोड

  बिबेक चौधरी  असोज २५, चन्द्रपुर रौतहट   नेपालमा कृत्रिम बौद्धिकता (एआई) को जिम्मेवार, व्यावहारिक र समावेशी प्रयोग प्रवर्द्धन गर्ने

जापनको फुकुओकामा थारु समुदाय क्युशुको दोस्रो जितिया मिलन कार्यक्रम - 2026 सम्पन्न

थारु समुदाय क्युशु, जापानको आयोजनामा “दोस्रो जितिया मिलन कार्यक्रम–२०२६” जापानको फुकुओकामा भव्य रूपमा सम्पन्न भएको छ।थारु समुदायको मौलिक भाषा,

बाढीपीडितको राहतका लागि नेपाली कांग्रेस बृन्दावन नगर समितिद्वारा १ लाख ४ हजारभन्दा बढी सहयोग सङ्कलन

रौतहट १९ भदौ  बाढीपीडित नागरिकहरूका लागि उद्धार, राहत तथा पुनर्मिलन/पुनःस्थापना कार्यमा सहयोग पु¥याउने उद्देश्यले नेपाली कांग्रेस बृन्दावन नगर